Það leiðinlega atvik átti sér stað í morgun að brotist var inn í verslun Attikk að Laugavegi 90. Innbrotakerfi fór í gang samstundis og öryggisverðir ásamt lögreglu voru mættir á staðinn örfáum mín. síðar. Einnig náðist allt innbrotið á hágæða upptöku.

Verið er að fara yfir og meta tjónið. Þetta gæti mögulega orsakað skertan opnunartíma í dag.

Við biðjum viðskiptavini að sýna biðlund á meðan starfsfólk fer yfir og metur tjónið. Við minnum á að allar vörur hjá Attikk eru tryggðar fyrir innbroti og mun verða bætt eigendum. Þeir eigendur sem eiga vörur sem var stolið eða urðu fyrir skemmdum munu fá netpóst þess efnis frá Attikk á næstu dögum.