Töskur

Hentug og vinsæl Keepall Bandouliere taska frá Louis Vuitton í monogram canvas með gylltum málm. Með töskunni fylgir stillanleg ól, nafnspjald í leður hulstri og lítið belti til að festa saman höldurnar. Eitt rennt rúmgott aðalhólf, taskan var framleidd árið 1995.

Ótrúlega flott og hentug Messenger hliðartaska frá Gucci í svörtu GG Supreme Monogram. Svartar leður áherslur og silfurlitaðir málmar. Web (blá og rauð) ól. Eitt rúmgott aðalhólf, þar fyrir innan er lítill flatur vasi og rúmgóður renndur vasi. Framan á töskunni er einnig rúmgóður renndur vasi.

Æðisleg Parioli taska frá Louis Vuitton í Damier Ebene canvas af stærðinni PM. Eitt aðalhólf sem lokast með segli meðfram allri brúninni. Eitt opið hólf í hliðinni á innvolsinu ásamt gömlu gemsa hólfi sem gæti í dag frekar nýst undir penna eða eitthvað álíka. Eitt lítið opið hólf að utan verðu. Krókur að innan. Framleidd í Frakklandi í júní 1999.

Flott og hentug taska frá Louis Vuitton í damier ebene mynstrinu með gylltum málm. Eitt rennt aðalhólf með nokkrum auka hólfum, eitt rennt og sex opin. Fullkomin í vinnuna!

Tryllt Louis Vuitton Marignan taska í monogram canvas með svörtu leðri og gylltum málm. Fjarlægjanleg og stillanleg crossbody ól. Opnast með segli undir lása skrautinu að framan, eitt stórt opið hólf sem hefur að geyma þrjú þunn hólf í hliðunum, eitt nokkuð stórt og annað í sömustærð sem er tvískipt. Framan á töskunni, en þó undir seglinum er annað opið hólf. Upprunalegur rykpoki fylgir með. Framleidd í Febrúar árið 2019 í Frakklandi.

Gucci Ophidia GG Supreme canvas, Web (blá og rauð) lína lárétt niður miðja töskuna. Eitt rennt aðalhólf sem opnast að ofan verðu, þar fyrir innan er eitt rennt auka hólf. Rennt hólf framan á töskunni.

Vintage Gucci GG Supreme hliðartaska með svartri leður umgjörð og Sherry Line (blá og rauð) niður miðjuna. Opnast með flap sem leggst yfir töskuna og lokast með smellu. Eitt opið aðalhólf og renndur vasi þar fyrir innan. ATH ástand.

Æðisleg Sherry Line tote taska frá Gucci með hvítu GG Plus Supreme canvas. Eitt stórt opið aðalhólf, auka opið hólf framan á töskunni sem lokast þó með smellu. Web (grænt og rautt) höldur og gylltur málmur framan á töskunni. ATH ástand.

Glæsileg vintage hliðartaska frá Burberry´s með Nova Check canvas og brúnu leðri. Taskan opnast að framan með stórum flipa, og málmfestingu þar undir. Innan í töskunni er rúmgott aðalhólf sem er þrískipt, miðjuhólfið er rennt. ATH ástand.

Ótrúlega flott og hentug Keepall Bandouliere í stærð 45. Taskan er í Damier Graphite mynstrinu og silfur málm, stillanleg ól fylgir með og upprunalegur rykpoki, leður nafnspjald, lítið belti fyrir höldur og lás, en engir lyklar, fylgja með. Framleidd í Frakklandi árið 2009. Kostar ný 2 150,00€, eða um 309,170isk á núverandi gengi.

Flott, vintage taska frá Christian Dior í rauðum og drapplituðum lit með gylltum málm. Eitt aðalhólf er á töskunni og fylgir rykpoki með.

Ótrúlega vinsæl, hentug og glæsileg Neverfull taska frá Louis Vuitton í Damier Ebene mynstrinu með gylltum málm. Eitt stórt aðalhólf er á töskunni með eitt auka rennt hólf og krók. Taskan var framleidd árið 2011 og hægt er að snúa töskunni við og nota hana öfuga, sem er sjúklega kúl! Kostar ný $2,170.00, eða 265,260isk á núverandi gengi.

Sæt og lítil taska frá Louis Vuitton í monogram canvas með gylltum málm. Eitt aðalhólf sem lokað með segli.

Flott, vintage taska frá Gucci í svörtu endurtekna ''GG'' mynstrinu. Eitt hólf með einu uaka renndu hólfi ofan í. Upprunalegur rykpoki fylgir með.

Glæsileg Beverly taska frá Louis Vuitton í monogram canvas af stærðinni GM. Framleidd í Frakklandi í júní 1997. Opnast og lokast með beltis sylgju að framan, eitt rúmgott aðalhólf og einn flatur renndur vasi. Haldfang að ofan verðu með gulltóna málm hankum til að krækja ól við. Allur málmur er gulltóna. Þessi gersemi fór til Parísar í yfirhalningu um árið og fékk nýtt Vachetta leður meðfram öllum köntum ásamt nýju haldfangi og Vachetta meðfram rennilás í innvolsi. Ekki var skipt um Vachetta sem kemur að beltissylgjunni né ólina sjálfa. Upprunalegur rykpoki fylgir með.

Ótrúlega sæt tote taska frá Fendi í brúna "Tobacco Zucca" canvasnum með ísaumað tígul mynstur (e. Quilted). Taskan er aðeins fóðruð og því kjörin tote taska fyrir íslenskt veðurfar. Eitt rennt aðalhólf og einn stór, auka, renndur vasi þar fyrir innan. Lítil opin auka hólf í hliðunum. Höldur eru úr svörtu glansandi leðri og á öðru haldfanginu er fjarlægjanlegt stórt "FF" málm skraut. Efri brún töskunnar er í sama Patent leðri.

Æðisleg Ophidia taska, með Web línu (rauð og græn) fyrir miðju, frá Gucci í GG Supreme canvasnum af stærðinni Small. Taskan opnast með smellu undir flipanum (e. flap), þar undir er eitt rúmgott aðalhólf, einn frekar rúmur flatur vasi þar fyrir framan. Í aðalhólfinu er einn flatur renndur vasi og opinn flatur vasi. Allur málmur er gylltur. Brúnt leður á slitflötum og er stillanlega ólin í sama leðri. Upprunalegur rykpoki og kassi fylgir með. Kostar ný um 275.000kr.

Falleg og vinsæl Gucci Marmont hliðartaska í svörtu Matelassé leðri með ísaumuðu hjarta á bakhlið. Í töskunni er eitt aðalhólf sem opnast með smellu, og lítill opinn vasi að innan. Allur málmur er gylltur.

Ótrúlega falleg tote taska frá Céline í dökkum lit með gylltum málm. Eitt opið aðalhólf sem skiptist í þrjú hólf, tvö opin og eitt rennt á milli.

Falleg og hentug tote taska frá Fendi í klassíska og eftirsótta Zucca monogram mynstrinu. Með dökkbrúnum leðurhöldum og einum renndum vasa í innvolsi.

Skemmtileg Chain It PM taska frá Louis Vuitton bæði í svörtu kálfa leðri og brúnu monogram canvas. Taskan opnast með smellu og er þar eitt aðalhólf, í innvolsi eru tveir vasar, einn renndur og einn opinn. Hægt er að nota töskuna á þrenna vegur. Sem axlartösku, hliðartösku eða bara notað haldfangið. Taskan er hönnuð árið 2017 en er hætt í sölu.

Æðisleg hversdags taska frá Chloé í Linen canvas, brúnu kálfaleðri og polyester. Bæði hægt að halda á henni og nota hana sem hliðartösku (e. crossbody bag) þar sem löng brún ól fylgir með. Eitt rúmgott aðalhólf og einn flatur vasi að innan. Kostar um 152.000kr skv. núverandi kortagengi. Upprunalegur rykpoki, verslunarpoki og upprunakort fylgir með.

Sígild Alma PM taska frá Louis Vuitton í Damier Ebene útgáfu. Að innanverði er eitt stórt aðalhólf með einum smærri vasa og gamaldags vasa undir gemsa. Málmur er gylltur. Kostar ný 1820 evrur. Upprunalegur rykpoki fylgir.

Sæt, lítil bucket taska frá Gucci í klassíska endurtekna ''GG'' mynstrinu með web (rauð og græn) línunni að neðan. Eitt aðalhólf sem lokast með togbandi og stillanleg axlaról. Upprunalegur kassi og rykpoki fylgir með.