Töskur

Ótrúlega töff Le Cagole hliðartaska frá Balenciaga í xs, minnstu stærðinni, sem er jafn framt vinsælasta stærðin af Balenciaga töskum. Eitt rennt aðalhólf er á töskunni og keðjuól sem er hægt að hafa einfalda eða tvöfalda eftir því hvort hentar betur og krókur á öðrum endanum. Silfur tónaður málmur með svörtum áherslum. Fjarlægjanlegt klink veski og spegill fylgir með ásamt upprunalegum rykpoka. Taskan er úr svörtu, lituðu, lambaskinni frá haust/vetrar línunni 2021. Því er taskan framleidd seint 2021 eða mjög snemma 2022. Kostar ný í dag um 280.000 kr.

Æðisleg Travel Line Tote taska frá Chanel í drapplituðu. Canvas töskunnar er úr Nylon og höldurnar úr leðri. Málmar eru gulltónaðir. Eitt opið aðalhólf og þar að innan eru tveir rúmgóðir renndir vasar og krókur á bandi til að festa t.d. lykla eða seðlaveski.

Falleg og stílhrein Tote taska frá Chanel í svörtu caviar leðri með vínrauðu tau innvolsi. Hægt er að renna aðal hólfi að miklu leiti, í hliðum aðal hólfsins er öðru megin renndur vasi og hinu megin tveir misstórir opnir vasar. Málmar töskunnar eru silfur litaðir og með töskunni fylgir CC bag charm sem er fjarlægjanlegt. Pochette fylgir og er á bandi sem er fast við töskuna en krókur er á enda þess og því hægt að taka Pochette af til að nota sér. Upprunakort og bæklingur fylgir með.

Falleg Gucci Python axlartaska í snáka líkis leðri og með svörtu bambus haldfangi. Málmar eru gulltónaðir og er áfast lítið veski sem fylgir með.

Gucci hliðartaska í svörtu nylon efni með web (rauð & græn) línunni að framan og svörtu GG lógó. Eitt rennt aðalhólf með þremur auka hólfum, eitt rennt, eitt opið og annað með smellu. Stillanleg ól.

Vintage keepall taska frá Louis Vuitton í klassíska monogam canvas og gylltum málm. Eitt stórt og rennt aðalhólf er á töskunni og fylgir bæði merkispjald og lítil ól til að festa saman handföngin - framleidd 1991

Hrikalega flott Lady Dior taska frá Christian Dior. Taskan er í dökkdökk grænum lit með bláu og hvítu floral printi og silfur málm. Eitt aðalhólf err á töskunni, sem opnast og lokast með smellu, þar ofan í eru tvö auka hólf. Með töskunni fylgir fjarlægjanleg ól og veski með.

Hvíta Triangle taskan frá Prada úr leðri. Taskan er skemmtileg í lögun eins og þríhyrnda Prada lógóið. Aðalhólfið er rennt en á ólinni er einnig minna rennt veski sem hægt er að smella af ef maður vill. Upprunalegur rykpoki fylgir.

Æðisleg hekluð LAX taska frá Chanel úr bómull og leðri í kremuðum lit. Málmur er silfraður og að framan er stór niðurhleypt CHANEL merking í leðrinu. Aðalhólfið er rennt og í innvolsi er einn minni renndur vasi. Að framan og aftan eru opnir vasar sem opnast og lokast með segullokun. Taskan er frá árinu 2005.

Krúttleg og sæt mini taska frá Gucci í drapplituðum lit með endurtekna ''GG'' munstrið og gylltum málm. Eitt rennt aðalhólf er á töskunni og eitt auka hólf.

Æðislega bleik Medium Boy Flap taska frá Chanel úr endingargóða og klassíska Caviar leðrinu í bleikum lit. Aðalhólf lokast með klemmu en í innvolsi er einn opinn vasi sem hentar vel undir kort. Hægt er að hafa ólina á töskunni einfalda (langa) eða tvöfalda yfir öxl. Málmurinn er burstaður gylltur/kopar og fylgir upprunalegur rykpoki með töskunni. Sanngildiskortið vantar. Taskan var framleidd árið 2018.

Stór glæsileg Petite Malle taska frá Louis Vuitton sem var framleidd í október 2017. Taskan er í svörtu Epi og kálfa leðri, svörtum málmum á hornum ásamt gull tóna málm áherslum víða. Taskan opnast að framan og losnar þá leður flipinn sem leggst yfir töskuna og opnast hún þá að ofan. Taskan sjálf lokast með segli og er ljós að innan með einum flötum vasa. Svört þunn crossbody ól, stillanleg, fylgir með og er hægt að hafa töskuna með eða án hennar. Einnig fylgir upprunalegur rykpoki með. Taskan er enn til sölu hjá LV og kostar hún 5,200 evrur sem er um 748.000 isk.

Prada Satchel taska úr gráu efni og svörtu leðri með gúmmíbotni. Aðalhólfið er rennt en tveir stærri vasar og einn renndur vasi er í innvolsi. Lás og lyklar fylgja.

Hentug Messenger hliðartaska frá Gucci í svörtu GG Supreme mynstri með svartar leður áherslur og silfur málm. Web (blá og rauð) stillanleg ól er á töskunni og eitt rúmgott aðalhólf, þar fyrir innan er lítill flatur vasi og rúmgóður renndur vasi. Framan á töskunni er einnig renndur vasi.

Flott Unisex Cube mittistaska frá Burberry í dökkbrúnu Check mynstri. Aðalhólf er rennt með einum opnum vasa en að aftan er einnig rennur smáhlutavasi. Ól er stillanleg og með fylgir kassi og rykpoki. Tilvalin gjöf.

Svört leður TB Burberry mittis taska úr lambaskinni með gylltum áherslum. Taskan opnast með flipa og lokast með segulloka og smellu. Taskan hefur eitt aðalhólf sem inniheldur tvenna flata vasa einn minni fyrir kort og annað aðeins stærri. Á leðrinu er útsaumað TB út um allt eins konar vatterað í leðrið og framan á er gyllt TB málmur.

Falleg tote taska frá Louis Vuitton í glæsilegu grænu Epi leðri með gylltum málm. Eitt rennt aðalhólf með tveimur auka hólfum, eitt rennt og eitt opið, einnig er krókur í innvolsi. Taskan var framleiddí nóvember 1995 í Frakklandi.

Glæsileg vintage hliðartaska frá Burberry´s með Nova Check canvas og brúnu leðri. Taskan opnast að framan með stórum flipa, og málmfestingu þar undir. Innan í töskunni er rúmgott aðalhólf sem er þrískipt, miðjuhólfið er rennt. ATH ástand.

Ótrúlega vinsæl, hentug og glæsileg Neverfull taska frá Louis Vuitton í Damier Ebene mynstrinu með gylltum málm. Eitt stórt aðalhólf er á töskunni með eitt auka rennt hólf og krók. Taskan var framleidd árið 2011 og hægt er að snúa töskunni við og nota hana öfuga, sem er sjúklega kúl! Kostar ný $2,170.00, eða 265,260isk á núverandi gengi.

Single Flap hliðartaska frá Chanel í svörtu lambaleðri með gylltum málm. Eitt opið aðalhólf með einu auka renndu hólfi

Vegleg Ipanema GM taska frá Louis Vuitton í Damier Ebene útgáfu. Einn opinn vasi að framanverðu. Aðalhólf er rennt og hefur að geyma tvo minni opna vasa að innanverðu.

Æðisleg Small Pouch Clutch taska frá Celine úr fallegum Triomphe Monogram canvas. Brún leður og stutt ól yfir úlnlið (fjarlægjanleg). Innvolsið er eitt stórt hólf. Upprunalegur rykpoki og kassi fylgja.

Fallegur og hentugur Ellipse bakpoki frá Louis Vuitton í brúna Monogram canvas með ljós brúnu leðri og gylltum málm. Eitt rennt rúmgott aðalhólf erá töskunni, þar ofan í er eitt auka hólf. Hægt er að lengja og stytta leðurböndin. Framleidd árið 1999.

Vintage Crécy taska frá Céline úr svörtu patent leðri og gylltum málmi. Á töskunni er áföst ól sem er stillanleg. Taskan opnast með flipa og læsist með smellu. Taskan skiptist í þrjú aðalhólf. Einn renndur flatur vasi innst og tveir opnir vasar í miðju hólfinu. Virkilega sæt hentug vintage taska. Með töskunni fylgir rykpoki, ekki upprunalegur.