Síðast uppfært: 8. júlí 2024

Undirrituð/undirritaður, (hér eftir „seljandi“) og Attikk ehf. kt. 450221 1630 (hér eftir Attikk), samþykkja eftirfarandi:

Söluskilmálar Attikk

Almennt

Attikk selur notaða og nýja merkjavöru. Varan er annað hvort í eigu Attikk, seld fyrir hönd þriðja aðila eða seld fyrir hönd seljanda. Vörur Attikk eru seldar í gegnum heimasíðu Attikk á https://attikk.is eða í verslun Attikk. Seljandi ábyrgist að hann hafi leyfi til þess að selja viðkomandi vöru/vörur. Seljandi ábyrgist að varan sé ekki með leynda og/eða ótilgreinda galla.

Attikk hefur fullan rétt til þess að nýta myndir og/eða upplýsingar um vörur í kynningarefni, markaðssetningu eða greinar óháð því hvort varan er tekin til sölu eður ei.

Sanngildisvottun

Allar vörur sem Attikk tekur við frá seljanda þurfa að gangast undir sanngildisvottun. Attikk tekur eingöngu í sölu þær vörur sem að standast sanngildisvottun.

Attikk framkvæmir sanngildisvottun á vörum seljanda eða nýtir þjónustu sérfræðinga við sanngildisvottun og verðmat. Attikk skal hafa lokið sanngildisvottun vöru innan við 4 virkum dögum frá afhendingu seljanda.

Sanngildisvottun hjá Attikk kostar 3.995,- ISK með VSK. Ef Attikk tekur viðkomandi vöru í sölu að beiðni seljanda er veittur 50% afsláttur af sanngildisvottun eða 1.997,- með VSK. Ef vara seljanda stenst ekki sanngildisvottun samþykkir seljandi að greiða fullt verð fyrir vottunina. Attikk tekur ekki við vörum í sölu sem standast ekki sanngildisvottun. Kvittun fyrir kaupum seljanda eða vottorð frá óþekktum aðila er ekki tekið gilt sem sanngildisvottun.

Seljandi skal greiða Attikk fyrir sanngildisvottun þegar að Attikk gerir vöru upp við seljanda eða þegar Attikk afhentir seljanda aftur vöruna.

Tímamörk

Ákveði seljandi að selja vöru sína samkvæmt skilmálum þessum samþykkir hann að hafa vöruna í sölu í að minnsta kosti 30 daga frá lokum niðurstöðu sanngildisvottunar. Hafi vara seljanda ekki selst hjá Attikk eftir 90 daga frá lokum sanngildisvottunar getur Attikk óskað eftir því að varan sé tekin úr sölu og að seljandi sæki vöruna. Hafi seljandi fengið fyrirframgreitt fyrir vöru samkvæmt sölumódeli A eða B þarf seljandi að endurgreiða Attikk viðkomandi upphæð að fullu áður en hægt er að afhenta seljanda vöruna aftur.

Seljandi samþykkir að selja ekki þriðja aðila vörurnar með öðrum leiðum á meðan varan er í sölu hjá Attikk.

Öryggi

Attikk passar uppá öryggi vöru seljanda. Attikk keyrir hágæða myndavélakerfi til þess að tryggja stöðugt eftirlit með vöru seljanda. Attikk keyrir innbrotakerfi frá viðurkenndum aðila og öryggishlið til þess að vara við þjófnaði. Attikk tryggir vöru seljanda gegn ráni við innbrot eða vopnað rán, vegna vatnsskemmda eða bruna.

Vörur

Attikk áskilur sér rétt til þess að hafna vöru í sölu hjá Attikk. Ef Attikk hafnar vöru þarf ekki að greiða fyrir sanngildisvottun óháð því hvort henni var lokið eður ei.

Attikk tók á móti eftirfarandi vörum seljanda í viðkomandi ástandi:

Listi yfir vörur og ástand þeirra

Greiðsla til seljanda

Seljandi velur hvernig hann vill fá greitt fyrir vöruna í umboðssölu Attikk þegar að Attikk hefur lokið við vottun og verðmat.

Módel A: Seljandi fær greitt með millifærslu 25%-55% af verðmati vörunnar innan við 2 virka daga frá því að sanngildisvottun lýkur og seljandi samþykkir verðmat. Athugið að í einhverjum tilvikum gæti Attikk ekki verið tilbúið til þess að taka við vöru í módeli A og getur seljandi þá valið að fá greitt fyrir vöruna miðað við Módel B eða C.

Módel B: Seljandi fær greitt sem inneign hjá Attikk 35%-65% af verðmati vörunnar innan við 1 virkan dag frá því að sanngildisvottun lýkur og seljandi samþykkir verðmat. Athugið að í einhverjum tilvikum gæti Attikk ekki verið tilbúið til þess að taka við vöru í módeli B og getur seljandi þá valið að fá greitt fyrir vöruna miðað við C.

Módel C: Seljandi fær greitt með millifærslu 50-85% af verðmati vörunnar 10-14 virkum dögum frá því að varan er seld.

Þóknun Attikk

Verðmat/Söluverðmæti	Módel C	Módel B	Módel A
undir 20.000 ISK	50% 45% *	65%	75%
20.000 - 49.999 ISK	40% 35% *	60%	70%
50.000 - 99.999 ISK	30% 25% *	50%	60%
100.000 - 199.999 ISK	25% 20% *	45%	55%
200.000 - 999.999 ISK	20% 15% *	40%	50%
1.000.000 ISK eða yfir	15% 10% *	35%	45%

* Seljendur sem eru í Merkjavörusení áskrift þegar að viðskipti eiga sér stað greiða lægri þóknun til Attikk.

Þegar að Attikk hefur lokið sanngildisvottun vöru fær seljandi send skilaboð frá Attikk með verðmati fyrir viðkomandi vörur. Þar kemur einnig fram ef að Attikk er ekki tilbúið til þess að taka á móti vöru miðað við módel A eða B.

Geymslugjald

Þegar að Attikk hafnar því að taka vöru seljanda í sölu eða varan hefur lokið sölutímabili sínu hefur seljandi 1 viku til þess að sækja viðkomandi vöru frá því að tilkynning þess efnis var send á netfang seljanda.

Eftir þann tíma reiknast geymslugjald, 1.000 kr. per hafinn dag, sem þarf að greiða er varan er sótt. Tilkynning er send vikulega, á netfang seljanda, í 3 vikur(21 dag) til að tilkynna stöðu geymslugjalds. Ef varan er ekki enn sótt eftir 3 vikur(er dagur 22 af geymslu hefst) telst varan eign Attikk. Attikk getur ákveðið að selja hana sjálft, gefa til hjálparstarfs eða að farga henni. Sé varan gefin til hjálparstarfs eða henni fargað fellur geymslugjaldið ekki niður og gæti því verið rukkað af öðrum vörum seljanda.